G Review: ఇదెక్కడో చూసినట్టుందే.. కానీ చూడలేదు
ఈ ఏడాది తెలుగు ప్రేక్షకులు అత్యంత ఆసక్తిగా ఎదురుచూసిన సినిమాల్లో OG ఒకటి. పవన్ కళ్యాణ్ – సుజీత్ కాంబినేషన్లో వచ్చిన ఈ గ్యాంగ్స్టర్ డ్రామా అభిమానుల అంచనాలను అందుకోవడమే కాకుండా, కొంతవరకు మించి అలరించింది.
కథ
కథాంశం రాజు–యోధుడి అనుబంధంపై సాగుతుంది. సత్యదాదా (ప్రకాశ్ రాజ్) తన శక్తిని కోల్పోయిన సమయంలో, అతని యోధుడు ఓజాస్ గంభీర అలియాస్ OG (పవన్ కళ్యాణ్) మళ్లీ రంగంలోకి దిగుతాడు. శత్రువులలో ఓమి (ఇమ్రాన్ హష్మీ) ప్రధాన ఆకర్షణ. జపాన్ సమురాయ్ వంశం నుంచి ముంబై అండర్వర్ల్డ్ వరకు OG ప్రభావం చూపేలా కథ తిరుగుతుంది.
విశ్లేషణ
దర్శకుడు సుజీత్ ఈ సినిమాను పవన్ కళ్యాణ్ అభిమానుల కోసం స్పెషల్గా డిజైన్ చేశాడని స్పష్టంగా కనిపిస్తుంది. ప్రతి ఎంట్రీ, ప్రతి యాక్షన్ సీక్వెన్స్ OG స్టైల్కి హైలైట్ అయ్యేలా తీర్చిదిద్దారు.
- పాజిటివ్లు:
- పవన్ కళ్యాణ్ స్టైలిష్, గంభీర లుక్
- థమన్ ఇచ్చిన బీ జీఎం – ఎలివేషన్స్ను మరింత ఎత్తుకి తీసుకెళ్లింది
- రవి కె. చంద్రన్, మనోజ్ పరమహంస అందించిన విజువల్స్ అద్భుతం
- ఇంటర్వెల్, పోలీస్ స్టేషన్ సీక్వెన్స్ – హైలైట్
- నెగటివ్లు:
- సైడ్ ట్రాక్లు (ప్రేమకథ, ఫాదర్–సన్ ఎమోషన్స్) అంతగా కనెక్ట్ కాలేదు
- కొంతవరకు ఇది ఫ్యాన్ బేస్కి మాత్రమే ఎక్కువగా కనెక్ట్ అవుతుంది
నటీనటులు
పవన్ కళ్యాణ్ స్టైల్, డైలాగ్ డెలివరీతో స్క్రీన్ను డామినేట్ చేశారు. ఇమ్రాన్ హష్మీ విలన్గా ఇంప్రెస్ చేశారు. ప్రకాష్ రాజ్, ప్రియాంక మోహన్ పాత్రలకు న్యాయం చేశారు.
ఫైనల్ వెర్డిక్ట్
OG ఒక విజువల్ ట్రీట్. పవన్ కళ్యాణ్ అభిమానులకు ఇది పండుగే. పతాక సన్నివేశాలు “జానీ”ని గుర్తు చేస్తూ, సీక్వెల్పై ఆసక్తిని పెంచాయి.
⭐ Rating: 3.5/5
